ԵՄ-ն կշարունակի ուժեղացնել Ռուսաստանի դեմ պատժամիջոցները. Շառլ Միշել
03-10-2022 12:23:59 | Հայաստան | Ի՞նչ է գրում մամուլը
Իրավաբան.net. Եվրամիությունը կշարունակի ուժեղացնել Ռուսաստանի դեմ սահմանափակող միջոցները ուկրաինական հակամարտության պատճառով։ Այս մասին կիրակի օրը հայտարարել է Եվրոպական խորհրդի ղեկավար Շառլ Միշելը ԵՄ 27 երկրների ղեկավարներին ուղղված նամակում։ Գրում է ТАСС լրատվական գործակալությունը։
«Մենք կշարունակենք մեծացնել սահմանափակող միջոցները, որպեսզի ավելի մեծացնենք ճնշումը Ռուսաստանի վրա՝ պատերազմը դադարեցնելու համար»,- գրել է նա։
Միշելի խոսքով՝ ԵՄ առաջնորդները Պրահայի գագաթնաժողովում կքննարկեն Ուկրաինային ռազմական ու ֆինանսական օգնության հետագա տրամադրումը։
«Մեր հանդիպման ժամանակ մենք կքննարկենք, թե ինչպես շարունակել ուժեղ տնտեսական, ռազմական, քաղաքական և ֆինանսական աջակցություն ցուցաբերել Ուկրաինային այնքան ժամանակ, որքան անհրաժեշտ է»,- գրել է Միշելը։
ՀԱՅԵՐԵՆ
Русский
English
Դաս. հայերեն
French
