«Ֆորբսը» հրապարակել է աշխարհի ամենահարուստ մարդկանց ցուցակը
12-03-2009 16:24:00 | ԱՄՆ | Միջազգային
ՆՅՈՒ ՅՈՐՔ, 12 ՄԱՐՏԻ, ՆՈՅՅԱՆ ՏԱՊԱՆ: Ամերիկյան հեղինակավոր
ֆինանսատնտեսական «Ֆորբս» հանդեսը հրապարակել է աշխարհի
ամենահարուստ մարդկանց ամենամյա ցանկը: Վարկանշային ցուցակի առաջին
տեղը բաժին է հասել Microsoft-ի հիմնադիր Բիլ Գեյթսին:
Մոլորակի ամենահարուստ մարդկանց «տասնյակը» հետեւյալ տեսքն
ունի.
1. Բիլ Գեյթս (ԱՄՆ)` 40 մլրդ դոլար, 2. Ուորեն Բաֆետ (ԱՄՆ)`
37 մլրդ դոլար, 3. Կարլոս Սլիմ (Մեքսիկա)` 35 մլրդ դոլար, 4.
Լորենս Էլիսոն (ԱՄՆ)` 22,5 մլրդ դոլար, 5. Ինգվար Կամպարդ
(Շվեդիա)` 22 մլրդ դոլար, 6. Կարլ Ալբրեխտ (Գերմանիա)` 21,5 մլրդ
դոլար, 7. Մուկեշ Ամբանի (Հնդկաստան)` 19,5 մլրդ դոլար, 8. Լաքշմի
Միտտալ (Հնդկաստան)` 19,3 մլրդ դոլար, 9. Թեո Ալբրեխտ (Գերմանիա)`
18,8 մլրդ դոլար, 10. Ամանսիո Օրտեգա (Իսպանիա)` 18,3 մլրդ դոլար:
Մոսկվան, ըստ «Ֆորբսի», այս տարի Նյու Յորքին է զիջել
«հարուստների մայրաքաղաքի» կոչումը:
Անցած տարի միլիարդատերերի մայրաքաղաք էր հայտարարվել
Մոսկվան, որտեղ ապրում էին ցուցակում ընդգրկված 74 մարդ: Այժմ
նրանց թիվը Մոսկվայում ընդամենը 27-ն է: