ՄՈՍԿՎԱ, 3 ՄԱՐՏԻ, ՆՈՅՅԱՆ ՏԱՊԱՆ: Ռուսաստանը, ինչպես ողջ աշխարհը, լուրջ տնտեսական ճգնաժամ է ապրում: Այս մասին հայտարարել է Ռուսաստանի ֆինանսների նախարար Ալեքսեյ Կուդրինը: ՌԴ ֆինանսների նախարարության ղեկավարը CNN հեռուստաալիքին տված բացառիկ հարցազրույցի ժամանակ նշել է երկու հիմնական ճակատագրական սխալներ, որոնք թույլ է տվել ռուսական կառավարությունը: Նախ եւ առաջ, կառավարությունը չնվազեցրեց ռուսական տնտեսության անմիջական կախվածությունը նավթի արտահանումից, ինչը եւ հանգեցրեց այսօրվա վիճակին: Եվ երկրորդը, ըստ Կուդրինի, կառավարությունը ծախսել է ավելի շատ փող, քան կարող էր թույլ տալ իրեն: Եվ դա իր հերթին մեծացրել է սղաճը:

---