Շոլց․ «Ռուսաստանի հետ երկխոսության դադարեցումը լուրջ սխալ կլինի»

05-12-2022 15:36:14 | Հայաստան | Ի՞նչ է գրում մամուլը

Ազատություն. «Ռուսաստանի հետ երկխոսության լիակատար դադարեցումը լրջագույն սխալ կլինի», - կիրակի երեկոյան, Համբուրգում հնչեցրած ելույթում, հայտարարել է Գերմանիայի դաշնային կանցլեր Օլաֆ Շոլցը։

«Պատերազմի մեկնարկից ի վեր ես շարունակաբար շփվել եմ Ռուսաստանի նախագահի հետ, քանի որ համոզված եմ՝ չնայած բոլոր տարակարծություններին, մենք չպետք է դադարեցնենք երկխոսությունը։ Այդ իսկ պատճառով շատ կարևոր է, որ ես և Ֆրանսիայի նախագահը, որպես «Մեծ յոթնյակը» և ՆԱՏՕ-ն ներկայացնող պետությունների ղեկավարներ, շարունակենք այն։ Դա անելով հանդերձ՝ մենք զուրկ ենք պատրանքներից», - նշում էր Շոլցն՝ ընդգծելով, որ Ռուսաստանն, ամեն դեպքում, չպետք է թելադրի ապագա խաղաղության պայմանները։

«Շատ կարևոր է, որպեսզի Ուկրաինային տրամադրվող ռազմական և ֆինանսական օգնությանը զուգահեռ, մենք չկորցնենք այն պահը, երբ ի հայտ կգա [խաղաղության] հեռանկարը։ Այժմ, սակայն, այդ պահը չէ», -հայտարարել է Գերմանիայի կանցլերը։

Գեւորգ Ստամբոլցյան

Նոյյան տապան - Ի՞նչ է գրում մամուլը

Կարդացել են 1585 անգամ

https://s1.merlive.am/Noian_Tapan/embed.html?autoplay=false&play

Շոլց․ «Ռուսաստանի հետ երկխոսության դադարեցումը լուրջ սխալ կլինի»

Noyan Tapan TV