Կստեղծվի ՆԳՆ․ ԱԺ-ն ընդունեց նախագիծը

16-12-2022 13:50:54 | Հայաստան | Ի՞նչ է գրում մամուլը

Ազատություն. Ազգային ժողովն այսօր երկրորդ ընթերցմամբ և ամբողջությամբ արտահերթ նիստում, 67 կողմ, 6 դեմ ձայնով, ընդունեց Ներքին գործերի նախարարություն (ՆԳՆ) ստեղծելու վերաբերյալ օրենսդրական փաթեթը:

Նախքան քվերակությունն արդարադատության փոխնախարար Արփինե Սարգսյանը տեղեկացրեց, որ փաթեթում որոշակի փոփոխություններ են արել առաջինից երկրորդ ընթերցման ռեժիմում, որոնք, նրա խոսքով, միտված են հնարավոր տեխնիկական խնդիրները շտկելուն։

ՆԳՆ ֆունկցիոնալ բազայից հանվել է աշխատանքի միգրացիայի ոլորտում քաղաքականության մշակման հատվածը, ասաց Սարգսյանը՝ պարզաբանելով՝ կառավարությունը գտնում է, որ աշխատանքի ոլորտում քաղաքականությունը պետք է շարունակի մշակել Աշխատանքի և սոցիալական հարցերի նախարարությունը, իսկ Ներքին գործերի նախարարությունն ընդամենը կօժանդակի տարբեր պրոցեսների կատարմանը:

Մասնավորապես, փոփոխություններ են արվել նաև զենքի շրջանառության կարգավորման մասին օրենքում, Ոստիկանության կարգապահական կանոնագրքում։

Այսպիսով, ըստ ընդունված նախագիծ, Արտակարգ իրավիճակների նախարարությունը կդադարեցնի իր գործունեությունը։ ՆԳՆ ենթակա մարմիններ կլինեն Ոստիկանությունը, Միգրացիայի և քաղաքացիության ծառայությունը, Փրկարար ծառայությունը:

«Այս փոփոխության ամենախորքային և ամենահեռանկարային իմաստը նոր ստանդարտի ոստիկանություն և նոր ստանդարտի փրկարար ծառայություն ունենալն է», - կառավարություն նիստում ասել էր վարչապետ Նիկոլ Փաշինյանը:

Կառավարությունը նախագծին հավանություն էր տվել նոյեմբերի վերջին և հրատապ կարգով ուղարկել Ազգային ժողով՝ հաստատման։

Ներքին գործերի նախարարություն եղել է նաև 90-ականներին, Ոստիկանություն դարձավ Ռոբերտ Քոչարյանի օրոք 2002 թվականից։

Նոյյան տապան - Ի՞նչ է գրում մամուլը

Կարդացել են 1542 անգամ

https://s1.merlive.am/Noian_Tapan/embed.html?autoplay=false&play

Կստեղծվի ՆԳՆ․ ԱԺ-ն ընդունեց նախագիծը

Noyan Tapan TV