Բրազիլիայում եռօրյա սուգ Է հայտարարվել Պելեի մահվան կապակցությամբ
30-12-2022 11:26:14 | Հայաստան | Ի՞նչ է գրում մամուլը
Բրազիլիայի նախագահ Ժաիր Բոլսոնարուն եռօրյա սուգ է հայտարարել համաշխարհային ֆուտբոլի աստղ Պելեի մահվան կապակցությամբ: Այդ մասին «Արմենպրես»-ը տեղեկանում Է BBC-ից:
Ավելի վաղ ,Արմենպրեսե-ը հաղորդել էր, որ 82 տարեկանում կյանքից հեռացել է համաշխարհային ֆուտբոլի լեգենդ Պելեն: Պելեն կարիերայի 21 տարիների ընթացքում անցկացրել է 1363 խաղ՝ դառնալով ռեկորդային 1281 գոլի հեղինակ։ Բրազիլիայի ազգային հավաքականի կազմում Պելեն մասնակցել է 92 խաղի՝ դառնալով 77 գոլի հեղինակ։
Պելեն աշխարհի միակ ֆուտբոլիստն է, ով երեք անգամ դարձել է աշխարհի չեմպիոն՝ այդ տիտղոսը նվաճելով 1958, 1962 և 1970 թվականներին։ 2000 թվականին Պելեն ՖԻՖԱ-ի կողմից ճանաչվել է դարի լավագույն ֆուտբոլիստ։ Վերջին տարիներին Պելեն պայքարում էր քաղցկեղի դեմ։
Հանգուցյալի հարազատներին և մերձավորներին իրենց վիշտն ու ցավակցությունն են հայտնել հայտնի մարզիկներ և քաղաքական գործիչներ՝ Բրազիլիայի ընտրված նախագահ Լուիս Ինասիու Լուլա դա Սիլվան, Բրազիլիայի ֆուտբոլի կոնֆեդերացիայի ղեկավար Էդնալդու Ռոդրիգեսը, Ֆրանսիայի նախագահ Էմանուել Մակրոնը, հայտնի ֆուտբոլիստներ Նեյմարը, Կրիշտիանու Ռոնալդուն, Լիոնել Մեսսին և ուրիշներ: Պելեի մահվան կապակցությամբ իր ցավակցությունն է հայտնել նաև Հայաստանի ֆուտբոլի ֆեդերացիան: «Արմենպրես»-ի հաղորդմամբ՝ ՀՖՖ տարածած ցավակցական ուղերձում մասնավորապես նշված է. ,Հայաստանի ֆուտբոլի ֆեդերացիան իր խորին ցավակցությունն է հայտնում ողջ ֆուտբոլային աշխարհին այս անդառնալի կորստի կապակցությամբե:
ՀԱՅԵՐԵՆ
Русский
English
Դաս. հայերեն
French
