Ալեն Սիմոնյանը երախտագիտություն է հայտնել Մեքսիկայի Սենատին՝ Հայոց ցեղասպանությունը ճանաչելու համար
10-02-2023 14:54:52 | Հայաստան | Ի՞նչ է գրում մամուլը
Հայկական ժամանակ. Ալեն Սիմոնյանը երախտագիտություն է հայտնել Մեքսիկայի Սենատին Հայոց ցեղասպանությունը ճանաչելու համար:
«Իմ խորին երախտագիտությունն եմ հայտնում Մեքսիկայի Միացյալ նահագների Սենատին Հայոց ցեղասպանությունը ճանաչող փաստաթղթի ընդունման համար: Սա արժեքների և մարդու իրավունքների պաշտպանության օրինակ է»,- «Թվիթեր»-իր իր էջում գրել է ՀՀ ԱԺ նախագահը:
Նշենք, որ Մեքսիկայի Սենատը փետրվարի 8-ին ընդունել է փաստաթուղթ, որով ճանաչում է Հայոց ցեղասպանությունը՝ վկայակոչելով մարդու համընդհանուր իրավունքների պաշտպանության անհրաժեշտությունը:
Միաժամանակ, Սենատը հորդորել է Արտաքին հարաբերությունների քարտուղարությանը՝ աջակցել Մեքսիկայի կողմից Հայոց ցեղասպանության պաշտոնական ճանաչմանը։