Ամազոնյան մարդակերները կերել են 19-ամյա ագարակապանին
10-02-2009 16:57:00 | Բրազիլիա | Միջազգային
ԲՐԱԶԻԼԻԱ, 10 ՓԵՏՐՎԱՐԻ, ՆՈՅՅԱՆ ՏԱՊԱՆ: Ամազոնյան Կուլինա ցեղի
հինգ անդամներ գտնվում են փախուստի մեջ այն բանից հետո, երբ նրանց
մեղադրել են 19-ամյա ագարակապանի սպանության, մասնատման եւ ուտելու
մեջ: Դա եղել է կաննիբալիզմի (մարդակերության) ծիսական
արարողություն:
Այդ դեպքի մասին CNN-ին պատմել են Պերուի սահմանին գտնվող
բրազիլական Էնվիրա ամազոնյան գյուղի իշխանությունները:
Բրազիլական օրենքների համաձայն, ռազմական կամ քաղաքացիական
ոստիկանությանը չի թույլատրվում մտնել հնդկացիների հողերը:
Ըստ տեղական մարմինների ներկայացուցիչների, ագարակապանը եւ
այդ ցեղի ներկայացուցիչները լավ իմացել են միմյանց: Սակայն այս
անգամ հնդկացիները ագարակապանին հրավիրել են իրենց մոտ: Նրան
դրանից հետո այլեւս ոչ ոք չի տեսել:
Երիտասարդի հարազատները սկսել են նրան փնտրել անհետացումից
երեք օր հետո միայն: Նրանց աչքի առաջ հայտնվել է գյուղում կախված
նրա քառատված մարմնի եւ գանգի ահավոր պատկերը: