Հայաստանը Ամուլսարի շահագործման դիմաց կստանա «Lydian Armenia»-ի բաժնետոմսերի 12,5%–ը
22-02-2023 14:44:46 | Հայաստան | Ի՞նչ է գրում մամուլը
Sputnik. Փետրվարի 22-ին կստորագրվի 250 մլն դոլարանոց համաձայնագիր, ինչը թույլ կտա, որ ընկերությունը վերսկսի հանքի շահագործումը:
Ամուլսարի հանքավայրի շահագործումը վերսկսելու մասին համաձայնագրի արդյունքում Հայաստանի կառավարությունը կստանա «Lydian Armenia»-ի բաժնետոմսերի մի մասը։ Տեղեկությունը հայտնում են Sputnik Արմենիայի աղբյուրները:
Հայաստանի կառավարությունն անհատույց կստանա ընկերության կանոնադրական կապիտալի 12,5 տոկոսը։
Էկոնոմիկայի նախարար Վահան Քերոբյանն այսօր հայտարարեց, որ իշխանությունն ընկերության հետ 250 մլն դոլարի փաստաթղթերի փաթեթ կստորագրի, ինչը թույլ կտա սկսել հանքի շահագործումը:
Նշենք, որ 2021 թվականի սեպտեմբերին պետությունը «Գեոպրոմայնինգ» ընկերությունից ստացավ Զանգեզուրի պղնձամոլիբդենային կոմբինատի բաժնետոմսերի 15%-ը ։ 2022 թվականի մարտին բաժնետոմսերի ևս 6,875% նվիրաբերվեց։
Նշենք, որ 2021 թվականի սեպտեմբերին պետությունը «Գեոպրոմայնինգ» ընկերությունից ստացավ Զանգեզուրի պղնձամոլիբդենային կոմբինատի բաժնետոմսերի 15%-ը։ 2022 թվականի մարտին բաժնետոմսերի ևս 6,875% նվիրաբերվեց։
Հիշեցնենք` Ամուլսարը ոսկու երկրորդ խոշոր հանքավայրն է Հայաստանում: Գտնվում է ՀՀ Վայոց Ձորի և Սյունիքի մարզերի սահմանագլխին, Զանգեզուրի լեռնաշղթայի հյուսիս, հյուսիսարևմտյան ճյուղավորումների ջրբաժանային մասում, 2500-2988 մ բացարձակ բարձրությունների վրա:
Այն ղեկավարում է «Լիդիան Արմենիա» ՓԲԸ-ն, որը միջազգային «Lydian international» ընկերության դուստր ձեռնարկությունն է:
Տևական ժամանակ է` հանքավայրը չի գործում։ Լիբանանյան «Էլարդ» ընկերությունն Ամուլսարի հանքի շահագործման ընթացքում իրականացրել էր շրջակա միջավայրի ռիսկերի գնահատում:
Ընկերության ներկայացուցիչները ուսումնասիրել էին դեռևս 2016 թ.-ին «Լիդիան Արմենիա» ընկերության պատրաստած շրջակա միջավայրի վրա ազդեցության գնահատումը և հայտարարել հնարավոր ռիսկերի մասին: Միևնույն ժամանակ Հայաստանի քննչական կոմիտեի ներկայացուցիչները նշել են, որ ռիսկերը կառավարելի են:
ՀԱՅԵՐԵՆ
Русский
English
Դաս. հայերեն
French
