ԱԼՄԱ-ԱԹԱ, 6 ՓԵՏՐՎԱՐԻ, ՆՈՅՅԱՆ ՏԱՊԱՆ: Ղազախստանյան
«Հասարակական դիրքորոշում» թերթի թղթակից Բախիտժան Նուրպեիսովը
Ալմա-Աթայում անհայտ անձանց հարձակումից հետո հիվանդանոց է
տեղափոխվել, հաղորդում է «Ինտերֆաքսը»:
Ինչպես հայտնել է թերթի խմբագիր Ռոզլանա Տաուկինան,
հարձակումը կատարվել է նախորդ օրվա երեկոյան: «Տուն գնալու
ճանապարհին Բախիտժանի վրա են հարձակվել մի քանի հոգի եւ սկսել
դաժանաբար ծեծել նրան` հարվածներ հասցնելով առավելապես գլխին»,-
պատմել է նա:
Ներկայումս Բախիտժանը գտնվում է հիվանդանոցում:
Պարբերականի խմբագրությունում ենթադրում են, որ Նուրպեիսովի
վրա կատարված հարձակումը կապված է իր մասնագիտական գործունեության
հետ: Մասնավորապես, ըստ Տաուկինայի, թղթակիցը հեղինակ է պետական
պաշտոնյաների մասին մի շարք մերկացնող հոդվածների: