ԱԼՄԱ-ԱԹԱ, 6 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Ղազախստանեան
«Հասարակական դիրքորոշում» թերթի թղթակից Բախիտժան Նուրպեիսովը
Ալմա-Աթայում անյայտ անձանց յարձակումից յետոյ հիւանդանոց է
տեղափոխուել, հաղորդում է «Ինտերֆաքսը»:
Ինչպէս յայտնել է թերթի խմբագիր Ռոզլանա Տաուկինան,
յարձակումը կատարուել է նախորդ օրուայ երեկոյեան: «Տուն գնալու
ճանապարհին Բախիտժանի վրայ են յարձակուել մի քանի հոգի եւ սկսել
դաժանաբար ծեծել նրան` հարուածներ հասցնելով առաւելապէս գլխին»,-
պատմել է նա:
Ներկայումս Բախիտժանը գտնւում է հիւանդանոցում:
Պարբերականի խմբագրութիւնում ենթադրում են, որ Նուրպեիսովի
վրայ կատարուված յարձակումը կապուած է իր մասնագիտական գործունէութեան
հետ: Մասնաւորապէս, ըստ Տաուկինայի, թղթակիցը հեղինակ է պետական
պաշտօնեաների մասին մի շարք մերկացնող յոդուածների: