ՎԱՇԻՆԳՏՈՆ, 4 ՓԵՏՐՎԱՐԻ, ՆՈՅՅԱՆ ՏԱՊԱՆ: ԱՄՆ-ի նախագահ Բարաք Օբաման Ռուսաստանի կառաջարկի 80 տոկոսով կրճատել միջուկային սպառազինությունները, գրում է «Թայմս» թերթը: Ինչպես հայտնի է դարձել պարբերականին, Բարաք Օբամայի արմատական ծրագրի համաձայն, միջուկային մարտագլխիկների թվաքանակը, ինչպես ԱՄՆ-ում, այնպես էլ Ռուսաստանում, պետք է կրճատվի մինչեւ հազար միավորի: ԱՄՆ-ի նախագահը ծրագրում է իր վարչակազմում ստեղծել սպառազինությունների կրճատման հանձնախումբ, որը, ինչպես սպասվում է, կգլխավորի Գարի Սեյմուրը, որը Բիլ Քլինթոնի վարչակազմում զբաղվում էր միջուկային զենքի չտարածման հարցերով: Միջուկային զինաթափման բանակցությունները կտնօրինի ԱՄՆ-ի պետդեպարտամենտը Հիլարի Քլինթոնի գլխավորությամբ:

---