Եվրամիությունը ԱՄՆ-ին սպառնացել է «տնտեսական պատերազմով»
04-02-2009 18:32:00 | Բելգիա | Միջազգային
ԲՐՅՈՒՍԵԼ, 4 ՓԵՏՐՎԱՐԻ, ՆՈՅՅԱՆ ՏԱՊԱՆ: Եվրամիությունը ԱՄՆ-ի
կառավարությանը նախազգուշացրել է իրենց միջեւ «տնտեսական
պատերազմի» բռնկման վտանգի մասին, եթե Վաշինգտոնը հաստատի «Գնիր
ամերիկյանը» ծրագիրը:
Այժմ ԱՄՆ-ի օրենսդիրներն ավարտում են 800 մլրդ դոլարի չափով
խթանիչ փաթեթի քննարկումը, որ նախատեսված է բացառապես Միացյալ
Նահանգներում արտադրված ապրանքներ եւ ծառայություններ գնելու
համար:
Ինչպես տեղեկացրել է լոնդոնյան «Թայմս» թերթը, ԱՄՆ-ի նախագահ
Բարաք Օբաման արդեն հասկացրել է եվրոպացիներին, որ օրինագծից կհանի
առավել «սադրիչ» դրույթները:
Եվրահանձնաժողովի վրդովմունքն է հարուցել այն պահանջը,
համաձայն որի ամերիկյան շինարարական ընկերությունները պարտավոր են
օգտագործել միայն ԱՄՆ-ում արտադրված պողպատե կոնստրուկցիաներ:
Բրյուսելն արդեն սպառնացել է, որ տվյալ օրենքի վերջնական
ընդունման դեպքում ԵՄ-ն ԱՄՆ-ի կառավարության դեմ հայց կներկայացնի
Առեւտրի համաշխարհային կազմակերպություն` առեւտրի միջազգային
նորմերի խախտման համար: