Եւրամիութիւնը ԱՄՆ-ին սպառնացել է «տնտեսական պատերազմով»
04-02-2009 18:32:00 | | Միջազգային
ԲՐԻՒՍԷԼ, 4 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Եւրամիութիւնը ԱՄՆ-ի
կառավարութեանը նախազգուշացրել է իրենց միջեւ «տնտեսական
պատերազմի» բռնկման վտանգի մասին, եթէ Վաշինգտոնը հաստատի «Գնիր
ամերիկեանը» ծրագիրը:
Այժմ ԱՄՆ-ի օրէնսդիրներն աւարտում են 800 մլրդ դոլարի չափով
խթանիչ փաթեթի քննարկումը, որ նախատեսուած է բացառապէս Միացեալ
Նահանգներում արտադրուած ապրանքներ եւ ծառայութիւններ գնելու
համար:
Ինչպէս տեղեկացրել է լոնդոնյան «Թայմս» թերթը, ԱՄՆ-ի նախագահ
Բարաք Օբաման արդէն հասկացրել է եվրոպացիներին, որ օրինագծից կհանի
առաւել «սադրիչ» դրոյթները:
Եւրայանձնաժողովի վրդովմունքն է հարուցել այն պահանջը,
համաձայն որի ամերիկեան շինարարական ընկերութիւնները պարտաւոր են
օգտագործել միայն ԱՄՆ-ում արտադրուած պողպատե կոնստրուկցիաներ:
Բրիւսէլն արդէն սպառնացել է, որ տուեալ օրէնքի վերջնական
ընդունման դէպքում ԵՄ-ն ԱՄՆ-ի կառավարութեան դէմ հայց կներկայացնի
Առեւտրի համաշխարհային կազմակերպութիւն` առեւտրի միջազգային
նորմերի խախտման համար: