Թայվանը ֆիքսել է Չինաստանի Ժողովրդա-ազատագրական բանակի 16 ինքնաթիռ և 4 նավ, որոնք մոտենում են կղզուն
29-03-2023 10:44:50 | Հայաստան | Ի՞նչ է գրում մամուլը
shantnews. Թայվանը գրանցել է Չինաստանի Ժողովրդա-ազատագրական բանակի (PLA) 16 ինքնաթիռ և 4 նավ կղզուն հարող տարածքում։ Այս մասին ասվում է կղզու պաշտպանության գերատեսչության՝ չորեքշաբթի օրը Twitter-ում հրապարակված հաղորդագրության մեջ։
Զեկույցում նշվում է, որ 11 ինքնաթիռ մտել է Թայվանի ՀՕՊ նույնականացման գոտու հարավ-արևմտյան հատված։ Խոսքը, մասնավորապես, J-10 կործանիչների, H-6 ռազմավարական ռմբակոծիչի և Y-8 ռադարային հետախուզական ինքնաթիռի մասին է։ Թայվանի զինվորականներն արձագանքել են օդային պարեկների բարձրացման, ռադիոնախազգուշացումների տարածման և զենիթահրթիռային համակարգերի տեղակայման միջոցով:
Չինաստանի Ժողովրդա-ազատագրական բանակը պարբերաբար ինքնաթիռներ և նավեր է ուղարկում Թայվան՝ անցյալ տարվա օգոստոսի 2-3-ին ԱՄՆ Ներկայացուցիչների պալատի խոսնակ Նենսի Փելոսիի՝ Թեյբեյ կատարած այցից հետո։ Չինաստանում նման ուղեւորությունները համարվում են սադրանքներ և միջամտություն Չինաստանի ներքին գործերին։
Չինական Թայվանի ամենամեծ կղզին 1949 թվականից կառավարվում է սեփական վարչակազմի կողմից, սակայն Պեկինում այն համարվում է մեկ երկրի անբաժանելի մասը։
ՀԱՅԵՐԵՆ
Русский
English
Դաս. հայերեն
French
