Վարչապետի ուղղությամբ անձրևանոց նետած քաղաքացին ՔԿ-ում է
10-04-2023 19:46:26 | Հայաստան | Ի՞նչ է գրում մամուլը
Այսօր՝ ապրիլի 10-ին, Վայոց Ձոր կատարած այցելության ժամանակ Նիկոլ Փաշինյանի ուղղությամբ անձրևանոց նետած կինը բերման է ենթարկվել։
«Հայկական ժամանակ»-ի հետ զրույցում այս մասին տեղեկացրեց ՀՀ ՔԿ մամուլի քարտուղար Գոռ Աբրահամյանը: Այս պահին քննարկվում է դեպքի առթիվ քրեական վարույթ նախաձեռնելու հարցը։
Հիշեցնենք՝ այսօր Նիկոլ Փաշինյանն այցելել էր Վայոց Ձորի մարզ։ «Հայկական ժամանակ»-ի տեղեկություններով՝ կառավարության ղեկավարի այցի ժամանակ միջադեպ է տեղի ունեցել. մի քաղաքացի անձրևանոց է նետել նրա ուղղությամբ: Դեպքը տեղի է ունեցել Եղեգնաձորում։