Փոթորիկն ու ձյան տեղումները 23 ամերիկացու կյանք են խլել
29-01-2009 15:23:00 | ԱՄՆ | Միջազգային
ՎԱՇԻՆԳՏՈՆ, 29 ՀՈՒՆՎԱՐԻ, ՆՈՅՅԱՆ ՏԱՊԱՆ: Մոտ 23 մարդ է զոհվել
ԱՄՆ-ի կենտրոնական-արեւելյան շրջաններում երկու օր տեղացած առատ
ձյան եւ մրրիկի ժամանակ: Առանց էլեկտրականության են մնացել ավելի
քան 1,3 մլն. տներ ու հաստատություններ: Մարդիկ զոհվել են
հիմնականում ճանապարհային վթարներից կամ տարերքի հետ կապված
պատահարների պատճառով:
Երեկ ոստիկանությունը հաղորդել է 19 զոհերի մասին: Արկանզասի
եւ Օկլահոմայի նահանգում անձրեւներից եւ ձյան առատ տեղումներից
հետո ճանապարհների սառցածածկույթը կազմել է ավելի քան 7 սմ: Շատ
խճուղիներ պատնեշված են տապալված ծառերով: Իշխանությունները փակել
են հարյուրավոր դպրոցներ ու պետական հիմնարկներ Ինդիանայի,
Քենտուկիի, Օհայոյի, Մերիլենդի, Արեւմտյան Վիրջինիայի, Օկլահոմայի,
Իլլինոյսի նահանգների օկրուգներում: