Փոթորիկն ու ձեան տեղումները 23 ամերիկացու կեանք են խլել
29-01-2009 15:23:00 | ԱՄՆ | Միջազգային
ՎԱՇԻՆԳՏՈՆ, 29 ՅՈՒՆՎԱՐԻ, ՆՈՅԵԱՆ ՏԱՊԱՆ: Մօտ 23 մարդ է զոհուել
ԱՄՆ-ի կենտրոնական-արեւելյան շրջաններում երկու օր տեղացած առատ
ձեան եւ մրրիկի ժամանակ: Առանց էլեկտրականության են մնացել աւելի
քան 1,3 մլն. տներ ու հաստատութիւններ: Մարդիկ զոհուել են
հիմնականում ճանապարհային վթարներից կամ տարերքի հետ կապուած
պատահարների պատճառով:
Երէկ ոստիկանութիւնը հաղորդել է 19 զոհերի մասին: Արկանզասի
եւ Օկլահոմայի նահանգում անձրեւներից եւ ձեան առատ տեղումներից
յետոյ ճանապարհների սառցածածկույթը կազմել է աւելի քան 7 սմ: Շատ
խճուղիներ պատնեշված են տապալուած ծառերով: Իշխանութիւնները փակել
են հարիւրաւոր դպրոցներ ու պետական հիմնարկներ Ինդիանայի,
Քենտուկիի, Օհայոյի, Մերիլենդի, Արեւմտյան Վիրջինիայի, Օկլահոմայի,
Իլլինոյսի նահանգների օկրուգներում: