Ավտոմեքենան բախվել է ճանապարհի բաժանարար արգելապատնեշին․ կա տուժած

12-08-2023 11:28:28 | Հայաստան | Մամլո հաղորդագրություն

Օգոստոսի 12-ին, ժամը 08:41-ին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Երևան-Սևան ավտոճանապարհին տեղի է ունեցել ՃՏՊ՝ կա տուժած:

Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։

Պարզվել է, որ Մ-4 ավտոճանապարհի մոտ 17-րդ կմ-ին «Skoda» մակնիշի ավտոմեքենան (վարորդ՝ Ա․ Ա․, ծնված 1990 թ.) բախվել է ճանապարհի բաժանարար արգելապատնեշին, այնուհետև՝ գովազդային վահանակի սյանը։

Մինչ փրկարարների կանչի վայր հասնելը՝ վարորդը տեղի ուժերով դուրս է բերվել ավտոմեքենայից:

Փրկարարները հոսանքազրկել են ավտոմեքենան, փակել գազի բալոնի փականը և տուժածին պատգարակով մոտեցրել շտապօգնության մեքենային։

Ներքին գործերի նախարարության փրկարար ծառայություն

Նոյյան տապան - Մամլո հաղորդագրություն