Վերին Լարսի անցակետը վաղվանից գործելու է սահմանափակ ռեժիմով
16-08-2023 10:47:33 | Հայաստան | Ի՞նչ է գրում մամուլը
Հայկական ժամանակ. Ռուս-վրացական սահմանի՝ Վերին Լարսի անցակետի հատվածը վաղվանից գործելու է սահմանափակ ռեժիմով։
Այս մասին հայտնել է ՌԴ մաքսային ծառայությունը։
«2023 թվականի օգոստոսի 17-ից օգոստոսի 26-ը կասֆալտապատվեն Ռուսաստանից դուրս եկող երթուղիները։ Այս աշխատանքները կհանգեցնեն երթևեկության գծերի շահագործման փուլային դադարների ինչպես բեռնատար, այնպես էլ մարդատար տրանսպորտային միջոցների համար»,- ասված է հայտարարության մեջ։
Սահմանը հատել ցանկացողներին խորհուրդ է տրվում այս ընթացքում ճանապարհորդել այլընտրանքային երթուղիներով։
«Ադրբեջանի Հանրապետության հետ սահմանին Դաղստանի մաքսակետի երեք միջազգային ավտոմոբիլային անցակետ կա՝ Յարագ-Կազմալյար, Թագիրքենթ-Կազմալյար և Նովո-Ֆիլյա»,- նշված է հաղորդագրության մեջ:
ՀԱՅԵՐԵՆ
Русский
English
Դաս. հայերեն
French
