ՄԱԿ-ի եվրոպական գրասենյակը ժամանակավորապես փակվել է՝ անվտանգության նկատառումներից ելնելով
25-08-2023 12:06:27 | Հայաստան | Ի՞նչ է գրում մամուլը
Շվեյցարիայի Ժնև քաղաքում գտնվող ՄԱԿ-ի եվրոպական կենտրոնակայանն օգոստոսի 25-ին փակվել է՝ անվտանգության նկատառումներից ելնելով, այնուհետև վերաբացվել է։ «Արմենպրես»-ի տեղեկացմամբ՝ այս մասին հաղորդում է «Reuters» գործակալությունը։
«Տեղեկացնում ենք, որ «Ազգերի պալատում» առաջացած հարցն այժմ լուծվել է։ Բոլոր մուտքերը վերաբացվել են», - մեջբերում է գործակալությունը հայտարարությունից։
Թե կոնկրետ անվտանգային ինչ խնդիր է առաջացել՝ ՄԱԿ-ի եվրոպական գրասենյակում չեն նշել։
«Ազգերի պալատի» շենքում է գտնվում ՄԱԿ-ի մարդու իրավունքների խորհուրդը։ Ըստ Retuers-ի՝ այն նաև հանգույց է հանդիսանում դիվանագետների, հումանիտար ոլորտի աշխատողների և պետական պաշտոնյաների համար։
ՀԱՅԵՐԵՆ
Русский
English
Դաս. հայերեն
French
