Եթե հնարավոր լիներ ՀՀ-ին ներքաշել ռազմական գործողությունների մեջ, դրա թիրախը կլինեին ՀՀ անկախությունը և ինքնիշխանությունը. Փաշինյան
20-09-2023 14:59:44 | Հայաստան | Ի՞նչ է գրում մամուլը
1lurer. Իմ արձագանքն այն է, որ ՀՀ-ի հետ կապ չունեցող տեքստում ՀՀ անունը հիշատակելը արդարացնում է երեկվա իմ այն վարկածը, մոտեցումը, գնահատականը, որ ԼՂ-ի դեմ հարձակման նպատակներից մեկը ՀՀ-ի ներքաշելն է ռազմական գործողությունների մեջ: Եվ, իհարկե, ինձ համար գնահատականը մեկն է, որ եթե հնարավոր լիներ ՀՀ-ին ներքաշել ռազմական գործողությունների մեջ, դրա խորքային թիրախը պետք է լինեին ՀՀ անկախությունը և ինքնիշխանությունը: Այդ մասին իր տեսաուղերձում հայտարարեց ՀՀ վարչապետ Նիկոլ Փաշինյանը:
«Այս առումով իմ գնահատականը առնվազն նաև այսօրվա իրադարձությունների համատեքստում գոյության շատ լուրջ իրավունք ունի, բայց դա ինչ-որ առումով իմ գնահատականն է, իմ համոզմունքը:
Ամեն դեպքում, կրկին ասում եմ՝ մենք տեղի ունեցածը կընդունենք ի գիտություն և կհետևենք զարգացումներին»,- ասաց նա:
ՀԱՅԵՐԵՆ
Русский
English
Դաս. հայերեն
French
