Բաքուն Արցախի պետական համալսարանը վերածում է «Ղարաբաղի համալսարանի»
28-11-2023 17:34:03 | Ադրբեջան | Ի՞նչ է գրում մամուլը
Բաքուն որոշել է Ստեփանակերտում գտնվող Արցախի պետական համալսարանը վերածել «Ղարաբաղի համալսարանի»։ Ադրբեջանական լրատվամիջոցների հաղորդմամբ՝ Ադրբեջանի նախագահ Իլհամ Ալիևը հրամանագիր է ստորագրել «Ղարաբաղի համալսարան» ստեղծելու մասին։
Ըստ փաստաթղթի՝ Ադրբեջանի Գիտության և կրթության նախարարությանն առընթեր «Ղարաբաղի համալսարանը» ստեղծվելու է Ստեփանակերտում գտնվող բարձրագույն ուսումնական հաստատության հիման վրա։ Նշվում է, որ կառավարությանը հանձնարարվել է երկամսյա ժամկետում հաստատել համալսարանի կանոնադրությունը և այդ մասին տեղեկացնել նախագահին, ձեռնարկել անհրաժեշտ միջոցները՝ համալսարանի գործունեությունը ֆինանսավորելու, ինչպես նաև ենթակառուցվածքային հարցերը լուծելու համար։
ՀԱՅԵՐԵՆ
Русский
English
Դաս. հայերեն
French
