ԵՄ-ն Հայաստանին կհատկացնի 11 մլն եվրո արդարադատության ոլորտում բարեփոխումների համար
30-11-2023 13:49:22 | Հայաստան | Ի՞նչ է գրում մամուլը
Հայկական ժամանակ. Եվրամիությունը Հայաստանին 11 մլն եվրո կհատկացնի արդարադատության ոլորտում բարեփոխումների համար:
Այս մասին նախագիծը հաստատվել է ՀՀ կառավարության այսօրվա նիստում։
Նախագծի հաաձայն՝ Հայաստանի և Եվրահանձնաժողովի միջև կնքված համաձայնագիրը նախատեսում է ֆինանսական աջակցություն ԵՄ-ից՝ 9 մլն եվրոյի չափով, ևս 2 մլն եվրո կհատկացվի որպես լրացուցիչ օգնություն։
Համաձայնագրի հիմնական նպատակն է աջակցել արդարադատության ոլորտին և Հայաստանում կոռուպցիայի դեմ պայքարին ու համապատասխանեցնել այն միջազգային չափանիշներին։ Խոսքը, մասնավորապես, քրեական արդարադատության համակարգի, այդ թվում՝ գենդերային խնդիրների մասին է։
Հատկացված միջոցները կուղղվեն նաև անկախ արբիտրաժային կենտրոնի ստեղծմանը: