ՄՈՍԿՎԱ, 17 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Ռուսաստանը հեռանկարային է համարում ռազմատեխնիկական համագործակցությունը Լիբիայի հետ ամենաբազմազան ուղղություններով: Այս մասին չորեքշաբթի հայտարարել է Ռազմատեխնիկական համագործակցության դաշնապետական ծառայության տնօրենի առաջին տեղակալ Ալեքսանդր Ֆոմինը: «Մենք բանակցություններ ենք վարում հնարավոր բոլոր ուղղությունների եւ սպառազինությունների ու ռազմական տեխնիկայի տեսակների առնչությամբ»,- ասել է Ֆոմինը: Ըստ նրա, Լիբիան եղել եւ մնում է Ռուսաստանի ավանդական գործընկերը սպառազինությունների միջազգային շուկայում: ԽՍՀՄ-ը Լիբիային մատակարարում էր զրահատեխնիկա, ինքնաթիռներ, ՀՕՊ միջոցներ եւ ծովային տեխնիկա:

---