Գուտերեշը կոչ է արել 2024-ին հաղթահարել տարաձայնություններն ու վերականգնել վստահությունը
29-12-2023 12:03:16 | Հայաստան | Ի՞նչ է գրում մամուլը
Sputnik. Համաշխարհային կազմակերպության ղեկավարի խոսքով՝ անցնող տարին «հսկայական տառապանքի, բռնության և կլիմայական քաոսի տարի էր»:
ՄԱԿ-ի գլխավոր քարտուղար Անտոնիո Գուտերեշը իր տեսաուղերձում կոչ է արել երկրներին 2024 թվականին համախմբվել և հաղթահարել տարաձայնությունները:
«2024 թվականը պետք է լինի վստահության վերականգնման և հույսի վերադարձի տարի։ Մենք պետք է համախմբվենք՝ տարաձայնությունները հաղթահարելու և ընդհանուր լուծումներ գտնելու համար», - ասել է Գուտերեշը։
Նրա խոսքով՝ 2023 թվականը «հսկայական տառապանքի, բռնության և կլիմայական քաոսի տարի էր»։
«2023 թվականը դիտարկումների պատմության մեջ ամենաթեժ տարին էր։ Մարդիկ գտնվում են աղքատության և սովի աճող խնդիրների մամլիչի տակ։ Պատերազմները դառնում են ավելի ու ավելի դաժան և բազմաթիվ: Միևնույն ժամանակ, վստահությունը սպառվում է: Բայց փոխադարձ մեղադրանքներն ու զենքի սպառնալիքները ոչնչի չեն հանգեցնում», - ընդգծել է գլխավոր քարտուղարը։
Գուտերեշի խոսքով՝ ՄԱԿ-ը կշարունակի միավորել ամբողջ աշխարհի մարդկանց խաղաղության, կայուն զարգացման և մարդու իրավունքների համար պայքարում:
ՀԱՅԵՐԵՆ
Русский
English
Դաս. հայերեն
French
