ՀՀ-ն Հաագայի դատարանում կներկայացնի իր փաստարկներն Ադրբեջանի իրավական պահանջների անհիմն լինելու մասին
13-01-2024 12:39:54 | Հայաստան | Ի՞նչ է գրում մամուլը
Միջազգային իրավական հարցերով ՀՀ ներկայացուցչի գլխավորած պատվիրակությունը Հաագայում մասնակցել է Մշտական արբիտրաժային դատարանում կայացած ընթացակարգային հարցերով հանդիպմանը՝ 2023 թվականի փետրվարի 27-ին Ադրբեջանի կողմից Էներգետիկ խարտիայի պայմանագրի համաձայն նախաձեռնած արբիտրաժի շրջանակներում: Ինչպես տեղեկացնում է «Արմենպրես»-ն՝ այս մասին «Ֆեյսբուք»-ի իր էջում հաղորդագրություն է տարածել Միջազգային իրավական հարցերով ՀՀ ներկայացուցչությունը։
Հայաստանի Հանրապետությունը ակնկալում է նշված արբիտրաժային վարույթի ընթացակարգային կանոնների վերջնականացումը, ինչպես նաև Արբիտրաժային վարույթի պատեհ փուլում պատրաստվում է ներկայացնել իր փաստարկներն ու ապացույցները Ադրբեջանի իրավական պահանջների անհիմն լինելու մասին։
ՀԱՅԵՐԵՆ
Русский
English
Դաս. հայերեն
French
