Հիմնանորոգման աշխատանքներ՝ համար 44 և 135 մանկապարտեզներում

12-04-2024 10:18:18 | Հայաստան | Մամլո հաղորդագրություն

Մայրաքաղաքի անբարեկարգ և սեյսմիկ անվտանգության պահանջներին չհամապատասխանող մանկապարտեզները հիմնանորոգվում են, իսկ որոշ մանկապարտեզներ՝ վերանորոգվում։

Համար 44 և 135 նախակրթական հաստատությունների նախկին շենքերը ամբողջությամբ քանդվել են, դրանց փոխարեն կառուցվել ավելի ամուր և նոր չափորոշիչներին համապատասխան հաստատություններ։

Մանկապարտեզների նախագծման գործընթացում հաշվի է առնվել տարահանման ելքերի առկայությունը։ Նոր մանկապարտեզները հարմարեցված են նաև հենաշարժողական խնդիրներ ունեցող երեխաների համար։

Այս պահին մայրաքաղաքային 17 մանկապարտեզներում շարունակվում են հիմնանորոգման աշխատանքները։ Մեկ մանկապարտեզ արդեն իսկ հանձնվել է շահագործման։