Մի խումբ քաղաքացիներ փակել էին Երևան-Սևան ավտոճանապարհը
23-04-2024 13:59:07 | Հայաստան | Ի՞նչ է գրում մամուլը
Ազատություն. Մի խումբ քաղաքացիներ փակել էին Երևան-Սևան ավտոճանապարհը:
Սևան-Երևան մայրուղին փակած մարդիկ ասում էին՝ «մենք ոչ մի քաղաքական խմբից չենք՝ ո՛չ ընդդիմություն, ո՛չ իշխանություն»:
«Քաղաքական բոլոր թևերից էլ դժգոհ ենք, ստեղ և՛ Սևանից մարդիկ կան, և՛ Գավառից, և՛ Ճամբարակից: Հիմա ստեղ տավուշցիներին ենք սատարում, չենք ուզում, որ այդ սահմանազատումը լինի», - նշեց հավաքվածներից մեկը:
Շուրջ 40 րոպե Երևան-Սևան մայրուղին փակ պահած քաղաքացիները բացեցին ճանապարհը: «Լսելով մեր Սևանի ոստիկաններին ու խցանումներում կանգնած մարդկանց, բացենք ճանապարհը, մարդիկ հիվանդանոց-բան են գնում: Երեկոյան էլ ջահերով երթ է, եկեք գնանք ավտոբուսներով միանանք էնտեղ: Որտեղ ակցիա լինի՝ մասնակցելու ենք, չսարքենք սա քաղաքական թեմա», - հայտարարեցին ցուցարարները:
Իրավիճակը լարվել է ուրբաթ օրվանից, երբ Երևանն ու Բաքուն հաղորդեցին, որ «նախնական համաձայնեցրել են»՝ Տավուշ-Ղազախ սահմանի որոշ հատվածներ համապատասխանեցնել «Խորհրդային Միության փլուզման պահի դրությամբ գոյություն ունեցող միջհանրապետական սահմանին»։ Ըստ այդմ, հայկական կողմը հետ կքաշվի Բաղանիս-Այրում, Աշաղը Ասկիպարա ու, Խեյրիմլի ու Ղըզըլհաջիլի գյուղերի ուղղություններով։ Կոորդինատների հստակեցման համար վերջնաժամկետ կա՝ մինչև մայիսի 15-ը։
ՀԱՅԵՐԵՆ
Русский
English
Դաս. հայերեն
French
