ԵՐԵՎԱՆ, 2 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: 2008թ.-ի սեպտեմբերին
2007թ.-ի սեպտեմբերի համեմատ Հայաստանում սպառողական գների ինդեքսը
կազմել է 111,3%, այդ թվում` պարենային ապրանքներինը (ներառյալ
ոգելից խմիչք եւ ծխախոտ)` 112,6%, ոչ պարենային ապրանքներինը`
108,2%, ծառայությունների սակագներինը` 110,6%, իսկ
հունվար-սեպտեմբերին 2007թ.-ի հունվար-սեպտեմբերի համեմատ,
համապատասխանաբար, 109,7%, 111,5%, 105,7% եւ 108,4%:
ՀՀ Ազգային վիճակագրական ծառայության տվյալներով, 2008թ.-ի
սեպտեմբերին օգոստոսի համեմատ ՀՀ սպառողական շուկայում արձանագրվել
է 0,5% գնաճ: Պարենային ապրանքների (ներառյալ ոգելից խմիչք եւ
ծխախոտ) գները նշված ժամանակահատվածում աճել են 0,6%-ով,
ծառայությունների սակագները` 0,6%-ով, իսկ ոչ պարենային ապրանքների
շուկայում գրանցվել է 0,1% գնանկում:
Սպառողական գների ինդեքսը 2008թ.-ի սեպտեմբերին 2007թ.-ի
դեկտեմբերի համեմատ կազմել է 104,2%, այդ թվում, պարենային
ապրանքներինը (ներառյալ ոգելից խմիչք եւ ծխախոտ) 101,1%, ոչ
պարենային ապրանքներինը` 105,2%, իսկ ծառայությունների
սակագներինը` 109,7%:
2008թ.-ի հունվար-սեպտեմբերին սպառողական գների միջին ամսական
հավելաճը կազմել է 0,5%, նախորդ տարվա նույն ժամանակահատվածում
գրանցված 0,05% նվազման դիմաց: