ՊԵԿԻՆՈՒՄ 2 ՈՍԿԵ ՄԵԴԱԼՆԵՐ ԵՆ ՆՎԱՃԵԼ ԱՅԼ ԵՐԿՐՆԵՐԻ ՀԱՅԱԶԳԻ
ՄԱՐԶԻԿՆԵՐ
27-08-2008 20:00:00 | Հայաստան | Սպորտ
ԵՐԵՎԱՆ, 27 ՕԳՈՍՏՈՍԻ, ՆՈՅՅԱՆ ՏԱՊԱՆ: Պեկինի օլիմպիական
խաղերում հայազգի մարզիկներից ոսկե մեդալների արժանացան հրաձիգ,
նախկին երեւանցի Արթուր Այվազյանը (Ուկրաինա) եւ Իրանից ընտանիքով
Հոլանդիա տեղափոխված ջրագնդորդուհի Բյուրակն Հախվերդյանը: Նախկին
գյումրեցիներ, հունահռոմեական ոճի ըմբիշներ Արմեն Վարդանյանը
(Ուկրաինա) եւ Արա Աբրահամյանը (Շվեդիա) նվաճեցին բրոնզե մեդալներ:
Սակայն, ինչպես հայտնի է, 33-ամյա Արա Աբրահամյանը հրաժարվեց
մեդալից, ինչի պատճառով ՄՕԿ-ը որակազրկեց մարզիկին: Իսկ Լոզանի
մարզական արբիտրաժային դատարանը արդարացրել է կողմնակալ
մրցավարության դեմ բողոքարկած Ա.Աբրահամյանին: