ՀԱՅԱՍՏԱՆ ՆԵՐԿՐՎՈՂ ԲՆԱԿԱՆ ԳԱԶԻ ԾԱՎԱԼՆԵՐԸ 30%-ՈՎ ԿՐՃԱՏՎԵԼ ԵՆ
11-08-2008 20:00:00 | Հայաստան | Տնտեսություն
ԵՐԵՎԱՆ, 11 ՕԳՈՍՏՈՍԻ, ՆՈՅՅԱՆ ՏԱՊԱՆ: Վրաստանի տարածքով
Հայաստան ներկրվող բնական գազի ծավալները 30%-ով կրճատվել են: Այս
մասին հայտնել է «ՀայՌուսգազարդ» ընկերության մամլո քարտուղար
Շուշան Սարդարյանը: «Մենք ճշտում ենք Վրաստանի տարածքով անցնող
գազամուղով Հայաստան ներկրվող գազի ծավալի կրճատման պատճառները եւ
ճշգրիտ ծավալը»,- ասել է նա: Շ.Սարդարյանը նշել է, որ տվյալ պահին
գազի պակասորդը լրացվում է «ՀայՌուսգազարդի» պահուստներից, որոնց
ծավալը, հաշվի առնելով ամառվա ժամանակաշրջանը եւ սպառման նվազումը,
պետք է բավարարի մինչեւ ներկրման հարցի կարգավորումը: