ՄԱԹԵՄԱՏԻԿԱՅԻ ՄԻԱՍՆԱԿԱՆ ՔՆՆՈՒԹՅՈՒՆԻՑ 20 ՄԻԱՎՈՐ Է ՎԱՍՏԱԿԵԼ 56
ԴԻՄՈՐԴ
17-06-2008 18:00:00 | Հայաստան | Հասարակություն
ԵՐԵՎԱՆ, 17 ՀՈՒՆԻՍԻ, ՆՈՅՅԱՆ ՏԱՊԱՆ: Մաթեմատիկայի միասնական
քննությունից առավելագույն 20 միավոր են ստացել 56
դիմորդ-շրջանավարտներ, որը կազմում է 9859 քննություն հանձնողների
0.6 տոկոսը: Այս մասին «ՆՈՅՅԱՆ ՏԱՊԱՆ»-ի թղթակցին հայտնեց
Գնահատման եւ թեստավորման կենտրոնի մամուլի պատասխանատու Գայանե
Մանուկյանը: Բարձր` 18-19,75 միավոր են ստացել 1683 շրջանավարտ`
այսինքն քննություն հանձնած դիմորդների 17 տոկոսը:
Մաթեմատիկայից դրականի շեմը` 7,5 միավոր, չի հաղթահարել 280
շրջանավարտ. նրանք դպրոցական վկայականի համար ավարտական քննություն
կհանձնեն մաթեմատիկայի համար նախատեսված լրացուցիչ օրը:
Հունիսի 16-ին ավարտվել է այս առարկայից բողոքարկման
դիմումների ընդունումը, իսկ գանգատարկման արդյունքները
կհրապարակվեն 3 օրից: