Դավիթ Շահինյանը առաջին տեղը գրավեց «Աերոֆլոտ-օփեն»-ի C
խմբում
17-02-2010 18:28:00 | Հայաստան | Սպորտ
ՄՈՍԿՎԱ, 17 ՓԵՏՐՎԱՐԻ, ՆՈՅՅԱՆ ՏԱՊԱՆ: Վանաձորցի 16-ամյա
շախմատիստ Դավիթ Շահինյանը Մոսկվայում «Աերոֆլոտ-օփեն» գերմրցաշարի
C խմբում 9 հնարավորից վաստակելով 7,5 միավոր միանձնյա գրավեց
առաջին տեղը:
A1 եւ A2 խմբերում խաղացվել են նախավերջին փուլի պարտաները:
A1 խմբում հայ շախմատիստներից լավագույն արդյունքն ունի
Գաբրիել Սարգսյանը, ով 8 հնարավորից վաստակել է 5 միավոր: Իսկ
առաջատարներն են Լե Քան Լիմը եւ Նգուեն Նգոկ Թրոնգը (Վիետնամ)`
6-ական միավորով:
A2 խմբում Արթուր Գաբրիելյանն ունի 5,5 միավոր եւ կես
միավորով ետ է մնում Ալեքսեյ Պրիդորոժնուց (Ռուսաստան) եւ Սերգեյ
Պավլովից (Ուկրաինա):