ՎԱՐՇԱՎԱ, 2 ՓԵՏՐՎԱՐԻ, ՆՈՅՅԱՆ ՏԱՊԱՆ-ՀԱՅԵՐՆ ԱՅՍՕՐ: Փետրվարի 2-ից մինչեւ ապրիլի 30-նն ընկած ժամանակահատվածում Լեհաստանում անցկացվելու է «Հայ սփյուռքի մշակույթը» խորագրով համաժողով: Ինչպես տեղեկացնում է լեհահայերի կայքէջը, համաժողովն անցկացվելու է «Զամոգ» թանգարանում: Կազմակերպիչները Լեհաստանի Պատմաբանական իստիտուտը եւ «Զամոգ» թանգարանն են: Համաժողովին մասնակցելու են Հայաստանի, Բելառուսի, Բելգիայի, Ֆրանսիայի, Հունաստանի, Հոլանդիայի, Իսրայելի, Ճապոնիայի, Մակեդոնիայի, Լեհաստանի, Ռուսաստանի, Ռումինիայի, Թուրքիայի, Ուկրաինայի, Հունգարիայի, Մեծ Բրիտանիայի եւ ԱՄՆ-ի պատմաբաններ, արվեստագետներ եւ հուշարձանների պահպանության մասնագետներ:

---