Ավետիք Գրիգորյանը նվաճեց շախմատի Հայաստանի չեմպիոնի կոչումը
29-01-2010 21:37:00 | Հայաստան | Սպորտ
ԵՐԵՎԱՆ, 29 ՀՈՒՆՎԱՐԻ, ՆՈՅՅԱՆ ՏԱՊԱՆ: Երեւանում անցկացվող
Հայաստանի տղամարդկանց 70-րդ առաջնության բարձրագույն խմբի
մրցաշարի առաջատար Ավետիք Գրիգորյանը հունվարի 29-ին կայացած
նախավերջին` 8-րդ, տուրում տարավ հերթական հաղթանակը եւ դարձավ
Հայաստանի չեմպիոն: Վերջին տուրից առաջ նա ունի 6,5 միավոր:
Ա.Գրիգորյանին հաջորդում են Տիգրան Լ. Պետրոսյանը եւ Զավեն
Անդրիասյանը (5-ական միավոր), Արտաշես Մինասյանը եւ Ռոբերտ
Հովհաննիսյանը (4,5-ական միավոր), Հրանտ Մելքումյանը եւ Արթուր
Չիբուխչյանը (3,5-ական միավոր), Տիգրան Քոթանջյանը (3 միավոր),
Դավիթ Քալաշյանը (2,5 միավոր) Դավիթ Գ. Պետրոսյանը (2 միավոր):