ՆՅՈՒ ՅՈՐՔ, 9 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: ՄԱԿ Պարենի եւ գյուղատնտեսության կազմակերպության (ՊԳԿ) տվյալներով սովյալների թիվն աշխարհում այս տարի աճել է եւս 40 մլն մարդով եւ հասել 963 միլիոնի: Այս մասին հաղորդում է «Նովոստի» գործակալությունը: Դեկտեմբերի 9-ին հրապարակված ՊԳԿ զեկույցում, ուր պարունակվում են կազմակերպության նախնական հաշվարկները, ընդգծվում է, որ 2007 թվականին սովյալների թիվը մոլորակում կազմում էր 923 մլն մարդ: ՊԳԿ փորձագետները Երկրի սովյալ բնակչության թվի ավելացումը կապում են, գլխավորապես, սննդամթերքի գների մեծացման հետ: Մասնագետների կարծիքով, թափ հավաքող համաշխարհային ֆինանսական ճգնաժամը կարող է վատթարացնել իրավիճակը:

---