ՎԱՇԻՆԳՏՈՆ, 9 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Ամերիկյան Tribune
Company մամուլի հրատարակչական կոնցեռնը սնանկ է ճանաչել իրեն եւ
խնդրագիր ներկայացրել դատարան վարկատուներից իրեն պաշտպանություն
տրամադրելու վերաբերյալ:
Ընկերությունը, որին պատկանում են համազգային այնպիսի
ծանրակշիռ պարբերականներ, ինչպիսին են The Chicago Tribune-ը եւ
The Los Angeles Times-ը, սնանկության մասին հայտարարել է այսօր`
վկայաբերելով իր ունեցած 13 մլրդ դոլար գումարի պարտքային
պարտավորությունները, որոնք նա ի վիճակի չէ վճարել:
Մեծամասամբ Tribune Company-ի ֆինանսական դժվարությունների
պատճառը եղել է իր պարբերականներում հրատարակվող վճարովի գովազդի
այս տարի գրանցված ծավալի անկումը: Դրանից բացի, ընկերության
պարտքերը գոյացել են այն գործարքի հետեւանքով, որի շրջանակում փակ
բեժնետիրական ընկերությունից վերածվել էր ԲԸ-ի` անցած տարի անշարժ
գույքի ոլորտում մագնատ Սեմ Զելլի սեփականությունը դառնալուց հետո: