ԿԱՀԻՐԵ, 8 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Եգիպտոսում խոշոր ավտովթարի հետեւանքով զոհվել է առնվազն 13 եւ մարմնական տարբեր աստիճանի վնասվածքներ ստացել 30-ից ավելի մարդ: Այս մասին հաղորդում են տեղական ԶԼՄ-ները: ՃՏՊ-ն տեղի է ունեցել Կահիրեի մերձակա արագընթաց խճուղում: Ավտոբուսը Էլ-Մինյա քաղաքի եկեղեցիներից մեկի հավատացյալներին էքսկուրսիայի էր տանում Ալեքսանդրիա` Միջերկրական ծովի ափ: Ոստիկանության նախնական տվյալներով, վարորդը մեծ արագության ժամանակ կորցրել է կառավարումը:

---