ԿԻԵՎ, 21 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Ուկրաինայի
հեռուստատեսության եւ ռադիոհեռարձակման հարցերի ազգային խորհրդի
որոշումները կաբելային ցանցերով ուկրաինական օրենսդրությանը
չհամապատասխանող հաղորդումների վերահեռարձակումն արգելելու մասին
վերաբերում են ոչ միայն ռուսական հեռուստաալիքներին:
Ըստ Ազգային խորհրդի ղեկավարի առաջին տեղակալ Իգոր Կուրուսի,
արգելքը վերաբերում է բոլոր այն հեռուստաալիքներին, որոնք իրենց
հաղորդումներն հեռարձակում են ոչ Եվամիության երկրներից եւ
միեւնույն ժամանակ չեն վավերացրել անդրսահմանային հեռարձակման
մասին եվրոպական կոնվենցիան:
Խոսքը, մասնավորապես, չինական, վրացական, բելոռուսական,
հայկական եւ իսրայելական հեռուստաալիքների մասին է: