ՆՅՈՒ ՅՈՐՔ, 17 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: ՄԱԿ-ն այսօր կընտրի
Անվտանգության խորհրդի հինգ նոր ոչ մշտական անդամներ, որոնք ԱԽ-ում
կփոխարինեն Բելգիային, Ինդոնեզիային, Իտալիային, Պանամային եւ
ՀԱՀ-ին: Ոչ մշտական անդամների ընտրությանը անդամակցության
թեկնածուի կարգավիճակով կմասնակցի նաեւ Թուրքիան:
Կանոնակարգի համաձայն, ՄԱԿ ԱԽ-ի ոչ մշտական անդամների
ընտրությունները կատարվում են գաղտնի քվեարկությամբ: Ընտրվելու
համար անհրաժեշտ է ապահովել Գլխավոր վեհաժողովի ներկա գտնվող եւ
քվեարկությանը մասնակցած պատվիրակների ձայների երկու երրորդը:
Ընտրության համար թեկնածուներ առաջադրվում են այսպես կոչված
տարածաշրջանային խմբերի կողմից: Ընդ որում երեք տեղ հատկացվում է
Աֆրիկային եւ Ասիային, մեկ տեղ` Արեւելյան Եվրոպային, եւս մեկը`
Լատինական Ամերիկայի կամ Կարիբյան ավազանի երկրներին:
Անվտանգության խորհուրդը բաղկացած է 15 անդամներից, այդ թվում հինգ
մշտական` Մեծ Բրիտանիա, Չինաստան, Ռուսաստան, Ֆրանսիա եւ ԱՄՆ,
որոնցից յուրաքանչյուրը օժտված է վետոյի իրավունքով: ՄԱԿ-ի ԱԽ-ի
մնացած կազմը ամեն տարի կիսով թարմացվում է: