ՓԱՐԻԶ, 12 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Հրդեհը, որ հինգշաբթի
երեկոյան բռնկել էր Լա-Մանշի թունելում, ամբողջությամբ մարվել է,
հաղորդում է «Ֆրանսպրեսը»:
Ուրբաթ առավոտյան հաղորդվել էր, որ երկու վագոններ դեռեւս
վառվում են:
Ֆրանսիայի տրանսպորտի նախարար Դոմինիկ Բյուսսրոն հայտնել է,
որ ահաբեկության վարկածը կարող է բացառվել, թեեւ հրդեհը տեղի է
ունեցել սեպտեմբերի 11-ին: Բյուսսրոն ոչինչ չի կարողացել ասել, թե
երբ կարող է վերականգնվել երթեւեկությունը թունելով:
Լա-Մանշի տակով անցնող Եվրոթունելում, որը Մեծ Բրիտանիան
կապում է Ֆրանսիային, հրդեհ էր բռնկել այն բանից հետո, երբ
բեռնատար գնացքներից մեկում բոցավառվել էր բեռնատարը:
Երթեւեկությունը Եվրոթունելով լրիվ դադարեցվել էր, թունելի ողջ
անձնակազմը, ինչպես նաեւ տրանսպորտի վարորդները տարհանվել էին:
Հրդեհի հետեւանքով 14 մարդ տեղափոխվել է հիվանդանոց, նրանցից վեցը
թունավորվել էր ածխաթթու գազով եւ ութը թեթեւ վնասվածքներ ստացել
տարհանման ժամանակ: