ՓԱՐԻԶ, 9 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Ֆրանսիայի բնակչուհին 59 տարեկան հասակում բարեհաջող ծննդաբերել է եռյակ: Փարիզի ծննդատանը լույս աշխարհ են եկել երկու տղա եւ մեկ աղջիկ: Այս մասին հաղորդում են տեղի ԶԼՄ-ները: Ըստ բժիշկների, ծննդկանին հարկ է եղել կեսարյան հատում անել, բայց «ամեն բան շատ լավ է անցել»: Նորածինները, ինչպես նաեւ նրանց մայրը, իրենց լավ են զգում: Այս երեխաները լույս աշխարհ են եկել արհեստական բեղմնավորման շնորհիվ, որ կատարվել է արտասահմանում, որտեղ կնոջը դոնորական ձվաբջիջ են ներարկել:

---