ԵԳԻՊՏՈՍՈՒՄ ԱՐՄԱՎԻ ԱՄԵՆԱԷԺԱՆ ՏԵՍԱԿԸ ԿՈՉԵԼ ԵՆ ՋՈՐՋ ԲՈՒՇԻ
ԱՆՈՒՆՈՎ
08-09-2008 17:14:00 | Վրաստան | Միջազգային
ԿԱՀԻՐԵ, 8 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Եգիպտացի առեւտրականները
արմավի ամենաէժան տեսակը կոչել են ԱՄՆ-ի գործող նախագահ Ջորջ Բուշի
անունով: Այս մասին հաղորդել է եգիպտական Nil News հեռուստաալիքը:
Մեկ կիլոգրամ այդ տեսակի արմավ կարելի է Կահիրեի շուկայում
գնել ընդամենը յոթ եգիպտական ֆունտով (մեկ դոլարից փոքր-ինչ
ավելի):
Այդ կերպ չրերի առեւտրականները յուրովի «վրեժխնդիր են եղել»
ամերիկյան վարչակազմի ղեկավարից, որին արաբական աշխարհում
պատասխանատու են համարում Իրաքի եւ պաղեստինյան տարածքների
ողբերգության համար: