ԿԱՀԻՐԵ, 8 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Կահիրեի արվարձանում, վերջին տվյալներով, սողանքի զոհ է դարձել 38 մարդ, մոտ 60-ը` վիրավորվել: Այս մասին հաղորդել է Եգիպտոսի առողջապահության նախարարությունը: Շաբաթ առավոտյան Մուկավատտամ սարից եգիպտական մայրաքաղաքի սահմանները գահավիժած ապառաժի բեկորների տակ են թաղվել Մանշիյաթ-Նասեր ավանի 35-ից ավելի հյուղակներ: Փրկարարական աշխատանքները շարունակվում են, որոնցում ընդգրկված են բանակային ստորաբաժանումներ:

---