ԱՄԵՐԻԿԱՑԻ ԶԻՆՎՈՐԱԿԱՆՆԵՐԸ ՊԱՏԱՀԱԲԱՐ ՍՊԱՆԵԼ ԵՆ ԻՐԱՔՑԻ ՎԵՑ
ՈՍՏԻԿԱՆԻ
03-09-2008 17:50:00 | Իրաք | Միջազգային
ԲԱՂԴԱԴ, 3 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Ամերիկացի
զինվորականները սպանել են Իրաքի անվտանգության ուժերի վեց
աշխատակիցների, հաղորդում է «Ռոյթերը»` վկայակոչելով իրաքյան
ոստիկանության ներկայացուցչի:
Անվտանգության ուժերի աշխատակիցները նախազգուշական կրակ են
բացել, երբ ամերիկյան մոտորանավակը Տիգրիս գետով անցնում էր Տարմիա
քաղաքի մոտակա հսկիչ անցակետի կողքով:
«Իրաքցիները սկսել են օդ կրակել` չիմանալով, որ դա ամերիկյան
մոտորանավակ է: ԱՄՆ-ի զինծառայողները պատասխան կրակ են բացել եւ
օդից աջակցություն խնդրել, ինչի հետեւանքով վեց իրաքցիներ սպանվել
են, եւս տասը` վիրավորվել»,- ասել է իրաքյան ոստիկանության
ներկայացուցիչը: