ԲԵԼԳՐԱԴ, 29 ՀՈՒԼԻՍԻ, ՆՈՅՅԱՆ ՏԱՊԱՆ: Ռադովան Կարաջիչին
Հաագայի տրիբունալի իրավասությանը հանձնելու գործընթացը կլինի
գաղտնի եւ առանց գրավելու ԶԼՄ-ների եւ բոսնիացի սերբերի նախկին
առաջնորդի կողմնակիցների ուշադրությունը: Այս մասին հաղորդում է
«Ռոյթերը»` վկայակոչելով սերբական հատուկ ծառայությունների
ներկայացուցչի:
Գաղտնիության պահպանման համար, ըստ աղբյուրի, կօգտագործվեն
հնարավոր բոլոր միջոցները, որպեսզի շեղվի շահագրգիռ անձանց
ուշադրությունը: «Միայն տասը մարդ Սերբիայում կիմանա, թե երբ եւ
ինչպես դա կկատարվի»,- հայտարարել է աղբյուրը: