ԵՐԵՎԱՆ, 2 ՀՈՒՆԻՍԻ, ՆՈՅՅԱՆ ՏԱՊԱՆ: 2008թ. մայիսին 2007թ.
մայիսի համեմատ Հայաստանում սպառողական գների ինդեքսը կազմել է
109,9%, այդ թվում, պարենային ապրանքներինը (ներառյալ ոգելից խմիչք
եւ ծխախոտ)` 110,9%, ոչ պարենային ապրանքներինը` 104,9%,
ծառայությունների սակագներինը` 110,4%, իսկ հունվար-մայիսին 2007թ.
հունվար-մայիսի համեմատ, համապատասխանաբար, 108,9%, 111,3%, 104,6%
եւ 106,4%:
ՀՀ Ազգային վիճակագրական ծառայության տվյալներով, սպառողական
գների ինդեքսը 2008թ. մայիսին 2007թ. դեկտեմբերի համեմատ կազմել է
107,4%, այդ թվում, պարենային ապրանքներինը (ներառյալ ոգելից խմիչք
եւ ծխախոտ)` 108,1%, ոչ պարենային ապրանքներինը` 102,9%, իսկ
ծառայությունների սակագներինը` 108,4%: 2008թ. հունվար-մայիսին
սպառողական գների միջին ամսական հավելաճը կազմել է 1,4%, ինչը
գերազանցել է նախորդ տարվա նույն ժամանակահատվածի համապատասխան
ցուցանիշը 0,6 %-ով:
2008թ. մայիսին ապրիլի համեմատ սպառողական շուկայում
արձանագրվել է 1,3% գնաճ, այդ թվում, պարենային ապրանքների
(ներառյալ ոգելից խմիչք եւ ծխախոտ) գներն աճել են 1%-ով, ոչ
պարենային ապրանքներինը` 1,3%-ով, իսկ ծառայությունների ոլորտում
գրանցվել է սակագների 2% հավելաճ: