ԵՐԵՎԱՆ, 30 ԱՊՐԻԼԻ, ՆՈՅՅԱՆ ՏԱՊԱՆ: Հայաստանի ֆուտբոլի ֆեդերացիայի եւ «Սթար» ընկերության միջեւ ապրիլի 30-ին կնքված պայմանագրի համաձայն ընկերությունը ստանձնեց Հայաստանի ֆուտբոլի 2008թ.-ի առաջնության գլխավոր հովանավորի պարտականությունները: Հայաստանի առաջնությունում գովազդվելու է «Սթարը», որն էլ իր հերթին ֆինանսական միջոցներ կտրամադրի ֆեդերացիային` ակումբներին համամասնորեն հատկացնելու համար: Պայմանագիրը ստորագրեցին ՀՖՖ-ի նախագահ Ռուբեն Հայրապետյանը եւ «Սթարի» գործադիր տնօրեն Վահան Քերոբյանը:

---