ԵՎՐՈՊԱՅԻ ՇԱԽՄԱՏԻ ՏՂԱՄԱՐԴԿԱՆՑ ԵՎ ԿԱՆԱՆՑ ԱՌԱՋՆՈՒԹՅՈՒՆՆԵՐՈՒՄ
ԵՌԻՇԽԱՆՈՒԹՅՈՒՆ Է
30-04-2008 19:20:00 | Լեհաստան | Սպորտ
ՊԼՈՎԴԻՎ, 30 ԱՊՐԻԼԻ, ՆՈՅՅԱՆ ՏԱՊԱՆ: Լեհաստանի Պլովդիվ
քաղաքում անցկացվող շախմատի Եվրոպայի տղամարդկանց մրցաշարում 8
փուլից հետո եռիշխանություն է: Սերգեյ Մովսիսյանը (Սլովակիա), Էմիլ
Սուտովսկին (Իսրայել) եւ Պավել Տրիգուբովը (Ռուսաստան) 8
հնարավորից վաստակել են 6,5-ական միավոր եւ բաժանում են 1-3-րդ
տեղերը: 14 մասնակիցներ ունեն 6-ական միավոր: Վլադիմիր Հակոբյանը
5,5 միավորով բաժանում է 18-44-րդ տեղերը:
Կանանց մրցաշարում նույնպես եռիշխանություն է: 6,5-ական
միավորով 1-3-րդ տեղերը բաժանում են Պիա Կրամլինգը (Շվեդիա),
Կատերինա Լահնոն եւ Աննա Ուշենինան (2-ն էլ Ուկրաինա): Էլինա
Դանիելյանը 5,5 միավորով բաժանում է 8-21-րդ, իսկ Լիլիթ Մկրտչյանը`
5 միավորով` 22-45-րդ տեղերը: